"الست تصرخ كأنه اتحرش بيها".. عبد الرحيم كمال يقترح خطة للقضاء على جشع التجار
h2>”الست تصرخ كأنه اتحرش بيها”.. عبد الرحيم كمال يقترح خطة للقضاء على جشع التجار
03:11 م
الثلاثاء 21 فبراير 2023
كتب-مصطفى حمزة:
وجه الكاتب عبد الرحيم كمال، نصيحة إلى السيدات للتعامل مع ارتفاع الأسعار، واصفا ما يحدث من التجار أنه غير أخلاقي بالمرةعبد الرحيم، عبر صفحته في موقع فيسبوك، كتب،:” اللي بيحصل في ارتفاع الأسعار ده غير أخلاقي بالمرة ، والستات هي اللي تقدر تقضي على الظاهرة غير المحترمة دي، لأنهم هما الطرف المباشر في التعامل مع البياع، الرجالة تقرأ بس الفاتورة في الأخر وتطب ساكتة”
وتابع،:” ازاي الستات يقضوا على ظاهرة ارتفاع الأسعار في أسبوع ، يتعاملوا مع زيادة السعر غير المنطقية تعاملهم مع المتحرش ، تسأل البياع : بتقول البتاعة دي بكام ؟، هيرد بكل بجاحة : بكذا، بس وعنها تصرخ الست كأنه اتحرش بيها بالظبط وتعلي صوتها وتقول : ده الراجل عيني عينك بيقول في وشي البتاعة دي بكذا”وأضاف،:” وينهال عليه كل اللي واقفين رجالة وستات باللي يقدروا عليه من شتائم وتهزيء، ويا راجل عيب يا راجل دي زي بنتك يا راجل اختشي، وإذا تكرر ذلك الفضح بشكل متواتر ومنظم مع كل سوبر ماركت وفكهاني وجزار وخضري جشع هتنزل الأسعار، وربنا يكفيهم ويكفينا شر الفضايح “.الكاتب عبد الرحيم كمال، أكد خلال ظهوره في برنامج “الحكاية” تأجيل عرض مسلسل “الحشاشين”، الذي كتب قصته إلى رمضان 2024، واستعداده لتقديم مسرحية “صاحب الوردة” على المسرح القومي بعد عيد الفطر، وهي من بطولة الفنان أحمد عبد العزيز، والفنانة رانيا فريد شوقي، والفنان سامي مغاوري وعدد من الفنانين الكبار.
#الست #تصرخ #كأنه #اتحرش #بيها #عبد #الرحيم #كمال #يقترح #خطة #للقضاء #على #جشع #التجار
Comments
Post a Comment